Monsoon Travel Tips: వేసవి సెలవులు రాగానే చాలామంది విహారయాత్రలకు వెళ్లాలని ప్లాన్ చేస్తారు. ముఖ్యంగా ఈ కాలంలో పాఠశాలలకు సెలవులు ఉండటం వల్ల, దూర ప్రాంతాలకు వెళ్లి ఉల్లాసంగా గడపాలని ప్రయత్నిస్తారు. అయితే, వేసవిలో కొన్ని ప్రాంతాల్లో అధిక ఉష్ణోగ్రతలు ఉండడం వల్ల, అనుకున్నంత ఎంజాయ్‌మెంట్ లభించదు. ఇలాంటి సందర్భంలో, చల్లని వాతావరణం కలిగిన వర్షాకాలం ప్రయాణాలకు ఉత్తమం. అయితే మాన్సూన్ సీజన్‌లో కూడా కొన్ని ప్రదేశాలు వరదలు, రహదారి సమస్యలు వంటి ఇబ్బందులను కలిగించవచ్చు. కానీ కొన్ని ప్రత్యేకమైన టూరిస్టు డెస్టినేషన్లు ఈ సమస్యలకు దూరంగా ఉండి, హాయిని, ఆనందాన్ని పంచుతాయి.

Valley of Flowers Trek

వర్షాకాలంలో పచ్చని పర్వతాలు, పొలాలు, చల్లటి గాలి మనసుకు హాయిని ఇస్తాయి. అలాంటి అందాలను ఆస్వాదించాలంటే, కేరళలోని మున్నార్, అలెప్పి అనువైన గమ్యస్థానాలు. కర్ణాటకలోని కూర్గ్‌లో టీ తోటలు, కొండలు, జలపాతాలు అద్భుతమైన అనుభూతిని కలిగిస్తాయి. ఈ రాష్ట్రంలోని బృందావన్ గార్డెన్స్‌ను వర్షాకాలంలో సందర్శించడం మరింత ఉత్సాహాన్ని ఇస్తుంది.

Also Read: 30 సంవత్సరాల తర్వాత తిరిగి వికసించిన తామరపూల అసలు స్టోరీ తెలుసా? 

ఉత్తరాఖండ్‌లోని "వాలీ ఆఫ్ ఫ్లవర్స్" మాన్సూన్ సీజన్‌లో యునెస్కో గుర్తింపు పొందిన అద్భుత ప్రదేశంగా మెరిసిపోతుంది. ఇక్కడ పచ్చిక బయళ్లు, ఆల్పైన్ పూలు వికసించి అద్భుత దృశ్యాలను సృష్టిస్తాయి. చిరుతలు, గోధుమ ఎలుగుబంట్లు, నీలి గొర్రెలు వంటి వన్యప్రాణులను కూడా చూడొచ్చు. సెప్టెంబర్ లోపు ఈ ప్రాంతాన్ని సందర్శించడం ఉత్తమం.

Also Read: రోజంతా ఎనర్జీతో ఉండాలంటే ఉదయం ఇలా మొదలుపెట్టండి!

రాజస్థాన్‌లోని ఉదయపూర్ "సరస్సుల నగరం"గా ప్రసిద్ధి. ఇక్కడ సిటీ ప్యాలెస్, లేక్ పిచోలా, సజ్జన్గడ్ ప్యాలెస్, సహేలియోన్ కి బారీ వంటి చారిత్రక, సాంస్కృతిక ప్రదేశాలు పర్యాటకులను ఆకర్షిస్తాయి. పిచోలా సరస్సు ఒడ్డున ఉన్న మహత్తరమైన ప్యాలెస్‌లో పురాతన వస్తువులు చూడొచ్చు. వేసవిలో అధిక వేడితో ఇక్కడ పర్యటన కష్టమైనప్పటికీ, వర్షాకాలంలో చల్లటి వాతావరణం, అందమైన సరస్సులు ఈ ప్రయాణాన్ని మరపురానిదిగా మార్చుతాయి.

Mahabalipuram Temple

Also Read: పితృస్వామ్యానికి విరుద్ధంగా జీవించే భారత తెగ గురించి మీకు తెలుసా?

తమిళనాడులోని కొడైకెనాల్, ఊటీ, మహాబలిపురం వంటి గమ్యస్థానాలు కూడా మాన్సూన్ ట్రిప్‌లకు బాగా సరిపోతాయి. కొడైకెనాల్‌లో వేసవిలో కూడా చల్లటి వాతావరణం ఉన్నప్పటికీ, వర్షాకాలంలో అది మరింత ఆహ్లాదకరంగా మారుతుంది. ఈ సీజన్‌లోనే ఎక్కువ మంది పర్యాటకులు ఇక్కడికి రావడానికి ఆసక్తి చూపుతారు. అలాగే, మేఘాలయలోని చిరపుంజి, హిమాచల్ ప్రదేశ్‌లోని నొక గ్రామం మాన్సూన్‌లో చూడదగిన మణులు. స్నేహితులతో, కుటుంబ సభ్యులతో ఈ ప్రదేశాలను సందర్శించడం మధురస్మృతులను అందిస్తుంది.

Ooty Rose Garden

అయితే, గమనించాల్సిన విషయం ఏమిటంటే.. వర్షాలు అధికంగా కురుస్తున్న సమయంలో కొండ ప్రాంతాలకు వెళ్లకపోవడం మంచిది. సరైన గమ్యస్థానం, సరైన సమయాన్ని ఎంచుకుంటే, వర్షాకాల ట్రిప్ జీవితాంతం గుర్తుండిపోయే అనుభవంగా మారుతుంది. 

Also Read:  ఎవరెస్ట్ శిఖరానికి పేరు ఎలా వచ్చిందో తెలుసా?

మరిన్ని Latest Updates కోసం ఇప్పుడే మా ఛానల్ ను సబ్స్క్రైబ్ చేసుకోండి V NEWS