Revival of Lotus in Wular Lake: కాశ్మీర్‌లోని ప్రసిద్ధ వూలర్ సరస్సులో దాదాపు 30 సంవత్సరాల విరామం తర్వాత మళ్లీ వికసించిన తామర పువ్వులు అద్భుత దృశ్యాన్ని అందించాయి. శోభనంగా విరాజిల్లుతున్న ఈ పూలు, చూసిన ప్రతి ఒక్కరిని మంత్రముగ్ధులను చేస్తూ పర్యాటకులను ఆకర్షిస్తున్నాయి. ఒకప్పుడు వూలర్ సరస్సుకి ప్రత్యేక అందాన్ని చేకూర్చిన తామరలు, పర్యావరణ క్షీణత కారణంగా కనిపించకుండా పోయిన తరువాత ఇప్పుడు తిరిగి కనువిందు చేస్తుండడం స్థానికులకు ఉపశమనంగా మారింది. ఈ పువ్వుల పునర్వికాసం భవిష్యత్తు పర్యావరణ ఆరోగ్యానికి ఆశాజనక సంకేతంగా పరిగణిస్తున్నారు.
కాశ్మీర్ గర్వంగా నిలిచిన వూలర్ సరస్సు
ఆసియాలో అతిపెద్ద మంచినీటి సరస్సులలో ఒకటైన వూలర్ సరస్సు, కాశ్మీర్ ఉత్తర భాగంలోని బండిపోరా జిల్లాలో ఉంది. ఒకప్పుడు స్వచ్ఛమైన నీరు, పచ్చని ప్రకృతి వనరులతో ప్రసిద్ధిగాంచిన ఈ సరస్సు వేలాది మందికి జీవనాధారంగా ఉండేది. అయితే గత కొన్ని దశాబ్దాలుగా అధిక కాలుష్యం, ఆక్రమణలు, మురుగు నీటి ప్రవాహం వల్ల సరస్సు పర్యావరణం తీవ్రమైన దెబ్బతింది. దీని ప్రభావంతో తామర, కలువ వంటి అరుదైన మొక్కలు పూర్తిగా అదృశ్యమయ్యాయి.
Also Read: ఎవరెస్ట్ శిఖరానికి పేరు ఎలా వచ్చిందో తెలుసా?
తిరిగి వికసించిన తామరల ఆహ్లాదం
మూడునాళ్ల క్రితం కనుమరుగైన తామర పువ్వులు ఇప్పుడు వూలర్ సరస్సులో మళ్లీ విరాజిల్లుతున్నాయి. సరస్సులోని పలు ప్రాంతాల్లో పచ్చిక బయళ్లపై విరిసిన తామరల దృశ్యం వన్యప్రకృతి ప్రియులను ఆకట్టుకుంటోంది. ఈ పునర్వికాసం వూలర్ సరస్సు పునరుజ్జీవనానికి ప్రతీకగా భావిస్తున్నారు పర్యావరణ శాస్త్రవేత్తలు.
స్థానికుల హర్షాతిరేకం
తామరల మళ్ళీ ప్రకాశించడాన్ని చూసి స్థానికులు చాలా ఆనందపడుతున్నారు. ‘‘గత 30 సంవత్సరాలుగా ఈ పువ్వులు సరస్సులో విరబుయ్యడం చూడలేదు. వాటిని దేవుని ఇచ్చిన బహుమతిగా భావించాం. శాశ్వతంగా కోల్పోయాం అనుకున్నాం. ఇప్పుడు మళ్లీ అవి వికసించడాన్ని చూసి మేం ఎంతో ఆనందంగా ఉన్నాం,’’ అని స్థానికులు భావోద్వేగంతో వ్యాఖ్యానిస్తున్నారు.
పర్యావరణ పరిరక్షణ విజయానికి నిదర్శనం
వూలర్ సరస్సు పరిరక్షణకు ప్రభుత్వ యంత్రాంగంతో పాటు పలు స్వచ్ఛంద సంస్థలు కూడా గత కొన్ని సంవత్సరాలుగా కృషి చేస్తున్నాయి. ఆక్రమణలు తొలగించడం, బురదను శుద్ధి చేయడం, మురుగు నీటి నియంత్రణ వంటి చర్యలు చేపట్టారు. ఈ ప్రయత్నాల ఫలితంగా తిరిగి తామర పూలు వికసించడం పర్యావరణ పరిరక్షణ విజయానికి నిదర్శనం.
Also Read: గండికోటలో దాగిన చరిత్ర గురించి మీకు తెలుసా.!
మరిన్ని Interesting Facts కొరకు మా ఛానల్ ను ఫాలో అవ్వండి V NEWS