Future of IT jobs with GPT-5: టెక్నాలజీ ప్రపంచం వేగంగా మారిపోతోంది. ఒకప్పుడు కోడింగ్‌ నైపుణ్యాలు లక్షలాది ఉద్యోగాలు కల్పించి, అనేకమందికి ఆదాయ వనరుగా మారాయి. కానీ ఇప్పుడు ఆర్టిఫిషియల్‌ ఇంటెలిజెన్స్‌ (AI) ప్రవేశంతో, ముఖ్యంగా ఓపెన్‌ఏఐ అభివృద్ధి చేసిన చాట్‌జీపీటీ-5 (GPT-5) మోడల్‌ రాకతో, కోడింగ్‌ డిమాండ్‌లో స్పష్టమైన మార్పులు కనిపిస్తున్నాయి. 2025 ఆగస్టు 7న విడుదలైన ఈ మోడల్‌, అత్యాధునిక కోడింగ్‌ సామర్థ్యాలతో సాఫ్ట్‌వేర్‌ ఇంజినీర్ల కెరీర్‌లపై ప్రభావం చూపుతోంది. ఇది ఉద్యోగాల కోత ముప్పును తెచ్చినప్పటికీ, ఏఐ స్కిల్స్‌ నేర్చుకున్నవారికి కొత్త అవకాశాలను తెరుస్తోంది.

Future of IT jobs with GPT-5

కోడింగ్‌లో అధునాతన భాగస్వామి: GPT-5, పూర్వపు మోడల్స్‌తో పోలిస్తే మరింత శక్తివంతమైన ’స్టేట్‌-ఆఫ్‌-ది-ఆర్ట్‌’ పనితీరు చూపిస్తోంది. ఇది కేవలం కోడ్‌ రాయడం మాత్రమే కాకుండా, బగ్‌లను సరిచేయడం, క్లిష్టమైన కోడ్‌బేస్‌లను అర్థం చేసుకోవడం, ఎండ్‌-టు-ఎండ్‌ టాస్క్‌లను నిర్వహించడం వంటి అంశాల్లో విశేషంగా మెరుగుపడింది. WE-bench Verified బెంచ్‌మార్క్‌లో 74.9% స్కోర్‌ సాధించి, పూర్వపు ఓ3 మోడల్‌ (69.1%) కంటే ముందంజ వేసింది. అంతేకాకుండా 22% తక్కువ టోకెన్లు, 45% తక్కువ టూల్‌ కాల్స్‌తో సమర్థవంతంగా పనిచేస్తుంది. ఇందులోని ’వైబ్‌ కోడింగ్‌’ ఫీచర్‌ ప్రత్యేకత సాధారణ నేచురల్‌ లాంగ్వేజ్‌ ప్రాంప్ట్‌లతో కస్టమ్‌ అప్లికేషన్లు తయారవుతాయి. ఫ్రంట్‌-ఎండ్‌ డిజైన్‌లో మినిమల్‌ ప్రాంప్టింగ్‌తో 70% సమయాల్లో మంచి ఫలితాలు ఇస్తుంది. టూల్‌ కాల్స్‌ను సీక్వెన్షియల్‌గానూ, పారలల్‌గానూ హ్యాండిల్‌ చేయడంలో నైపుణ్యం సాధించింది. ఇప్పుడు చాట్‌జీపీటీలో డిఫాల్ట్‌ మోడల్‌గా అందుబాటులో ఉండి, ప్లస్‌, ప్రో, టీమ్‌, ఫ్రీ యూజర్లకు సైతం యాక్సెస్‌ ఉంది.

Also Read: స్టేట్ బ్యాంక్ ఆఫ్ ఇండియా (SBI)లో స్పెషలిస్ట్ ఆఫీసర్ పోస్టుల భర్తీ!

ఏఐ యుగంలో కోడింగ్‌ డిమాండ్‌ మార్పు: 2000లలో కోడింగ్‌ బూమ్‌తో మిలియన్ల మందికి ఉద్యోగాలు లభించాయి. కానీ AI ఆవిర్భావంతో డిమాండ్‌ మారింది. ఇప్పుడు ఏఐ స్కిల్స్‌ ఉన్నవారే ముందంజలో ఉంటారు. ప్రస్తుతానికి కేవలం 30% సాఫ్ట్‌వేర్‌ ప్రొఫెషనల్స్‌ మాత్రమే ఏఐ నైపుణ్యాలు సంపాదించారు. మిగిలినవారు వేగంగా మార్పులకు అడాప్ట్‌ కావాల్సిన పరిస్థితి. మెటా సీఈఓ మార్క్‌ జుకర్‌బర్గ్‌ అంచనా ప్రకారం, 2026 నాటికి కంపెనీ కోడ్‌లో 50% ఏఐ ద్వారానే రాసి ఉంటుంది. ఈ దిశగా GPT-5 ట్రెండ్‌ను వేగవంతం చేస్తోంది. కోడ్‌ జెనరేషన్‌, మోడర్నైజేషన్‌, క్వాలిటీ ఇంజినీరింగ్‌లో ఇది బలమైన ప్రభావం చూపుతోంది. రివ్యూ సైకిల్స్‌ తగ్గడం వల్ల రూటిన్‌ కోడింగ్‌ జాబ్స్‌ (వెబ్‌ డెవలప్‌మెంట్‌ వంటి) తగ్గే అవకాశం ఉంది.

క్లౌడ్‌ కోడ్‌ కర్సర్‌కు పోటీదారు: ప్రస్తుతం కర్సర్‌ ఏఐ కోడింగ్‌ టూల్‌గా బాగా పాపులర్‌. అయితే GPT-5 దానికి బలమైన ప్రత్యామ్నాయంగా మారుతోంది. కర్సర్‌లోనే GPT-5 ఇంటిగ్రేట్‌ చేయబడింది. డెవలపర్లు దీన్ని ’స్మార్టెస్ట్‌ మోడల్‌’గా భావిస్తున్నారు. టూల్‌ కాలింగ్‌ ఎర్రర్‌ రేట్‌ గణనీయంగా తగ్గింది. ఫ్రంట్‌-ఎండ్‌ పనితీరులోనూ టాప్‌గా నిలుస్తోంది. కర్సర్‌ టీమ్‌ మాటల్లో, GPT-5 ’రిమార్కబ్లీ ఇంటెలిజెంట్‌, ఈజీ టు స్టీర్‌’ మోడల్‌. అయితే కొంతమంది ఇంకా క్లాడ్‌ 4.1 (Anthropic)ను ప్రిఫర్‌ చేస్తున్నారు.. అది డిజైన్‌-ఫోకస్డ్‌, టూల్‌ యూజ్‌లో మెరుగ్గా ఉందని అంటున్నారు. GPT-5 ’ఫాస్ట్‌’ వెర్షన్‌ మోస్తరు రీజనింగ్‌తో వేగంగా పనిచేస్తుంది, ’హై రీజనింగ్‌’ వెర్షన్‌ క్లిష్టమైన పనులకు బెటర్‌. మొత్తం మీద, కోడింగ్‌ ఆటోమేషన్‌ రేటును 65% నుంచి 72%కి పెంచింది.

సాఫ్ట్‌వేర్‌ ఇంజినీర్లపై ప్రభావం: GPT-5తో రొటీన్‌ టాస్క్‌లు.. బాయిలర్‌ప్లేట్‌ కోడ్‌ రాయడం, సింపుల్‌ డీబగ్గింగ్‌ వంటి పనులు ఆటోమేట్‌ అవుతున్నాయి. ముఖ్యంగా వెబ్‌ డెవలప్‌మెంట్‌లో ఈ ప్రభావం స్పష్టంగా ఉంటుంది. డెవలపర్ల మాటల్లో: “ఇది పూర్తిగా రీప్లేస్‌ చేయకపోయినా, పనితీరు గణనీయంగా మెరుగుపడింది”. అయితే హాల్యూసినేషన్లు, అసంపూర్ణ కోడ్‌లు ఇంకా సమస్యగానే ఉన్నాయి. హ్యూమన్ ఇంజినీర్లు లాజిక్‌, లెర్నింగ్‌, అజమ్షన్స్‌ను బాగా నిర్వహిస్తారు. కానీ పాజిటివ్‌ వైపు చూసినప్పుడు, GPT-5 ప్రొడక్టివిటీని పెంచుతోంది. ఫలితంగా, ఇంజినీర్లు క్లిష్టమైన సమస్యలు, ఆర్కిటెక్చర్‌ డిజైన్‌పై ఎక్కువ ఫోకస్‌ చేయగలుగుతున్నారు.

Also Read: ఢిల్లీ లో తొలి ఇండియా ఆఫీస్ ప్రారంభించనున్న OpenAI

మరిన్ని Latest Updates కోసం ఇప్పుడే మా ఛానల్ ను సబ్స్క్రైబ్ చేసుకోండి V NEWS