Onam Significance: ఓనం కేరళలో అత్యంత వైభవంగా జరుపుకునే ప్రముఖ పండుగ. పంటల ఆనందం, సంస్కృతి, సంప్రదాయాల ప్రతిబింబంగా ఈ వేడుకలో చిన్నా పెద్దా అందరూ కలిసిపోతారు. మహాబలి చక్రవర్తిని స్మరించుకుంటూ, కేరళ వారసత్వాన్ని చాటేలా పది రోజుల పాటు ఈ ఉత్సవం కొనసాగుతుంది. ప్రతి రోజుకు ప్రత్యేకమైన పేరు, ప్రత్యేకమైన అర్థం ఉంటుంది. ఇప్పుడు ఆ పది రోజుల ప్రత్యేకతల గురించి తెలుసుకుందాం..

Onam Significance

1. అథం (Atham): ఓనం ఆరంభం అథం రోజుతో మొదలవుతుంది. ఇళ్లను శుభ్రపరచి, పూలతో చేసిన అలంకరణ ‘పూకలం’ (పువ్వుల రంగోలి) ప్రారంభమవుతుంది. పండుగ ఆరంభానికి ఇది సంకేతం. ఈ రోజు కేరళ మహిళలు సాంప్రదాయ తెల్లటి కసావు చీరలు ధరించి, బంగారు ఆభరణాలతో అలంకరిస్తారు. వారు ఇళ్లను పూలతో అందంగా తీర్చిదిద్దుతూ, పులిస్సేరి, ఖీర్ వంటి వంటకాలను తయారు చేస్తారు.

2. చితిర (Chithira): రెండో రోజు పూకలానికి కొత్త పూలను జోడించి ఇంకా ఆకర్షణీయంగా చేస్తారు. పూజలు చేసి మహాబలి చక్రవర్తిని ఆహ్వానిస్తున్నట్టుగా ఆచారాలు నిర్వహిస్తారు.

3. చోధి (Chodi): మూడవ రోజు సాంస్కృతిక కార్యక్రమాలకు కేటాయించబడింది. పాటలు, నాటకాలు, నృత్యాలతో ప్రజలు పండుగను ఉత్సాహంగా జరుపుకుంటారు.

4. విశాఖం (Vishakam): నాలుగో రోజు కుటుంబ సభ్యులు అందరూ కలసి ఉత్సవాలు జరుపుతారు. ఈ రోజున మహాబలి చక్రవర్తి, వామనుడి మట్టి విగ్రహాలను ఇంటి ఆవరణలో ప్రతిష్టించి పూజలు చేస్తారు. మహాబలి దాతృత్వాన్ని గుర్తు చేసుకుంటూ ఈ ఆచారం ఆనందంగా కొనసాగుతుంది.

5. అనిజం (Anizham): ఐదవ రోజు పడవ పోటీలు ప్రధాన ఆకర్షణ. వందలాది మంది ఒకేసారి పడవలు తొక్కుతూ పాటలు పాడుతారు. ఈ పోటీలు ఓనం పండుగలో అత్యంత ఉత్సాహభరితమైన కార్యక్రమంగా నిలుస్తాయి.

Also Read: అభిమన్యుడు ఎందుకు తిరిగి రాలేకపోయాడు? పద్మవ్యూహం వెనక అసలైన రహస్యం!

6. త్రికేట (Thriketa): ఈ రోజు నుంచి విందు ఏర్పాట్లు మొదలవుతాయి. పెద్దలు, పిల్లలు అందరూ కలసి వంటల్లో సహకరిస్తారు. పూకలం అలంకరణ కొనసాగుతూనే ఉంటుంది. కుటుంబ సభ్యులు, బంధువులు కలిసి ఉండటంతో పండుగ వాతావరణం మరింత ఆనందకరంగా మారుతుంది.

7. మూలం (Moolam): మూలం రోజున ఆలయాల్లో ప్రత్యేక పూజలు జరుగుతాయి. పూకలం కొత్త డిజైన్లతో అలంకరించబడుతుంది.

8. పూరాడం (Pooradam): ఎనిమిదవ రోజు ‘ఓనత్తప్పన్’ అనే పేరుతో మహాబలి మట్టి విగ్రహాన్ని ఇళ్లలో ప్రతిష్టిస్తారు. ఆ రోజు నుంచే విందు ఏర్పాట్లు పూర్తి స్థాయిలో మొదలవుతాయి.

9. ఉత్త్రాడం (Uthradam): తొమ్మిదవ రోజును పవిత్రమైనదిగా భావిస్తారు. విందుల కోసం ప్రత్యేక వంటకాలు తయారు చేస్తారు. ఇంట్లో ఆనందం, ఉత్సాహం తారాస్థాయికి చేరుతుంది.

10. తిరువోనం (Thiruvonam): చివరి రోజు అయిన తిరువోనం అత్యంత ప్రధానమైనది. మహాబలి తన ప్రజలను దర్శించడానికి వస్తాడని నమ్మకం. కుటుంబ సభ్యులు కలిసి ‘ఓనం సధ్య’ అనే విందులో పాల్గొంటారు. సాంప్రదాయ సంగీతం, నృత్యాలతో ఉత్సవాలు ముగుస్తాయి.

అథం నుంచి తిరువోనం వరకు జరిగే పది రోజుల ఓనం ఉత్సవం కేరళ సంస్కృతిని, సమైక్యతను అద్భుతంగా ప్రతిబింబిస్తుంది.

Also Read: మూడు బాణాలతో మహాభారత యుద్ధాన్ని ముగించగల బర్బరీకుని కథ మీకు తెలుసా?

మరిన్ని Interesting Facts కొరకు మా ఛానల్ ను ఫాలో అవ్వండి V NEWS