PM Modi 75th Birthday Gift: తన 75వ జన్మదినాన్ని పురస్కరించుకుని దేశ ప్రజలకు ప్రత్యేక బహుమతి అందించబోతున్నారని ప్రధాని మోదీ నిర్ణయించారు. మహిళలు, చిన్నారుల ఆరోగ్య పరిరక్షణ కోసం “స్వస్త్ నారి - సశక్త్ పరివార్ అభియాన్” అనే జాతీయ స్థాయి కార్యక్రమాన్ని సోమవారం ప్రారంభించనున్నారు. ఈ విషయాన్ని కేంద్ర మంత్రి జేపీ నడ్డా తన ఎక్స్‌ ఖాతా ద్వారా ప్రకటించారు. ఈ యోజనలో భాగంగా దేశ వ్యాప్తంగా 75,000 ఆరోగ్య శిబిరాలు ఏర్పాటు చేయబడతాయి. వీటి ద్వారా మహిళలు, పిల్లలకు అవసరమైన వైద్య, ఆరోగ్య సేవలను ప్రత్యేకంగా అందించనున్నారు.

PM Modi 75th Birthday Gift

అలాగే పోషకాహారం, ఆరోగ్య అవగాహన, కుటుంబ శ్రేయస్సు కోసం ప్రతి అంగన్‌వాడీ కేంద్రంలో “పోషణ్ మాహ్” కార్యక్రమాన్ని కూడా అమలు చేయనున్నారు. దేశవ్యాప్తంగా ఆరోగ్యవంతమైన కుటుంబాలు, శక్తివంతమైన సమాజాలను సృష్టించడం ఈ చర్యల ప్రధాన లక్ష్యం. ప్రైవేట్ ఆసుపత్రులు, ఆరోగ్య రంగంలోని ఇతర సంస్థలు ఈ జన్‌భాగీదారీ అభియాన్‌లో భాగస్వామ్యం కావాలని కేంద్ర మంత్రి విజ్ఞప్తి చేశారు. “ఇండియా ఫస్ట్” అనే స్పూర్తితో విక్షిత్ భారత్ సాధన కోసం అందరం కలిసికట్టుగా ముందుకు సాగుదామని ఆయన పిలుపునిచ్చారు.

Also Read: దసరా, దీపావళి గిఫ్ట్‌.. జీఎస్టీ కౌన్సిల్‌ కీలక నిర్ణయాలు!

మరిన్ని Latest Updates కోసం ఇప్పుడే మా ఛానల్ ను సబ్స్క్రైబ్ చేసుకోండి V NEWS