El Nino and La Nina: ఈ ఏడాది వర్షాలు గణనీయంగా కురుస్తున్నాయని చెప్పొచ్చు. వాతావరణ శాఖ నివేదికల ప్రకారం ఇప్పటికే సగటు వర్షపాతం 75% నమోదు అయింది. ఇకపై కూడా మరిన్ని వర్షాలు పడే అవకాశం ఉన్నట్టు సూచిస్తున్నారు. గత సంవత్సరం కూడా భారీ వర్షాలు కురిశాయి. అయితే 1999 నుంచి 2003 వరకు తక్కువ వర్షపాతం నమోదై, వరుసగా కరువు పరిస్థితులు నెలకొన్నాయి. తర్వాత 2004 నుండి వరుసగా అధిక వర్షాలు కురుస్తున్నాయి. ఇలాంటివి ఎందుకు జరుగుతాయి? కొన్నేళ్లపాటు వర్షాభావం ఉండి, మరికొన్ని సంవత్సరాలపాటు భారీ వర్షాలు పడటానికి కారణం ఏమిటి?

El Nino and La Nina - Causes and Effects

దీనికి ప్రధాన కారణం ఎల్‌నినో (El Nino), లా నినో (La Nina) ప్రభావాలే. ఎల్‌నినో సమయంలో వర్షాలు తగ్గిపోతాయి, లా నినో ప్రభావం వల్ల ఎక్కువ వర్షపాతం ఉంటుంది. ఎల్‌నినో అంటే పసిఫిక్ మహాసముద్రంలోని ఈశాన్య భాగంలో సముద్ర ఉపరితల ఉష్ణోగ్రతలు సాధారణం కంటే పెరగడం. దీని ప్రభావం ప్రపంచ వాతావరణంపై తీవ్రమైన ప్రభావం చూపుతుంది. ముఖ్యంగా భారత్ సహా ఆసియా దేశాల్లో అధిక ఉష్ణోగ్రతలతో వర్షాభావం ఏర్పడి కరువు పరిస్థితులు వస్తాయి. ఈ ప్రభావం 2 నుంచి 7 సంవత్సరాల వరకు కొనసాగుతుంది.

Also Read:  మూడు బాణాలతో మహాభారత యుద్ధాన్ని ముగించగల బర్బరీకుని కథ మీకు తెలుసా?

అదేవిధంగా, లా నినో సమయంలో సముద్రపు ఉష్ణోగ్రతలు తగ్గిపోతాయి. దీని కారణంగా ఆసియా దేశాల్లో భారీగా వర్షాలు కురుస్తాయి. ప్రస్తుతం భారత్‌తో పాటు చైనాలోనూ విస్తారంగా వర్షాలు పడుతున్నాయి. ఇది లా నినో ప్రభావం అని చెప్పొచ్చు. దీని ఫలితంగా చెరువులు, రిజర్వాయర్లు నిండిపోతాయి. లా నినో సాధారణంగా 3 నుంచి 5 సంవత్సరాల వరకు వరుసగా వర్షపాతం కొనసాగించే అవకాశం ఉంటుంది.

El Nino and La Nina

ఈ విధంగా వాతావరణంలో మార్పులు చోటు చేసుకోవడంతో ఎక్కడో అధిక వర్షాలు, ఎక్కడో వర్షాభావం కనిపిస్తాయి. ప్రస్తుతం దేశవ్యాప్తంగా వర్షపాతం ఎక్కువగా ఉంది. కొన్ని ప్రాంతాల్లో క్లౌడ్ బర్స్ట్ ప్రభావం కూడా కనిపిస్తోంది. ఇటీవల హిమాచల్ ప్రదేశ్‌లో క్లౌడ్ బర్స్ట్ కారణంగా ఒక్కసారిగా వరదలు రావడంతో ఇళ్లు కొట్టుకుపోయాయి, పలువురు గల్లంతయ్యారు.

ఈ నేపథ్యంలో వాతావరణ శాఖ అధికారులు ముందుగానే హెచ్చరికలు జారీ చేస్తున్నారు. అందువల్ల లోతట్టు ప్రాంతాల ప్రజలు అప్రమత్తంగా ఉండాలి. అలాగే పట్టణాలు, నగరాల్లో వర్షం అధికంగా ఉన్నప్పుడు అత్యవసర పరిస్థితి తప్ప బయటకు వెళ్లకపోవడమే మంచిది. ముఖ్యంగా హైదరాబాద్ లాంటి నగరాల్లో వర్షం సమయంలో బయటకు వెళ్తే ట్రాఫిక్‌లో ఇరుక్కోవడం, రహదారుల్లో గుంతల కారణంగా ప్రమాదాలు జరగే అవకాశం ఉంటుంది.

Also Read: కైలాస పర్వతంపై నిజంగా శివుడు ఉన్నాడా?

మరిన్ని Latest Updates కోసం ఇప్పుడే మా ఛానల్ ను సబ్స్క్రైబ్ చేసుకోండి V NEWS