Harsh Goenka Success Tips: మీరు కెరీర్‌లో దూసుకుపోవాలనుకుంటున్నారా? అయితే అందుకు కొన్ని అలవాట్లు, నైపుణ్యాలు తప్పనిసరిగా అలవర్చుకోవాలి. ఇవి ప్రతి ఒక్కరికీ ఎంతో ఉపయోగపడతాయి. ప్రముఖ వ్యాపారవేత్త హర్ష్ గోయెంకా తరచూ సోషల్ మీడియాలో యువతకు అవసరమైన సూచనలు పంచుకుంటుంటారు. తాజాగా, జీవితంలో విజయం సాధించడానికి తప్పనిసరిగా నేర్చుకోవాల్సిన కీలకమైన స్కిల్స్ గురించి ఆయన వివరించారు. అవేంటో తెలుసుకుందాం.

Harsh Vardhan Goenka - The current chairman of Mumbai-headquartered RPG Enterprises (popularly known as RPG Group)

1. ఆర్గనైజేషన్ స్కిల్స్:  మీ పనుల్లో క్రమబద్ధత అత్యంత ముఖ్యం. సమయానికి స్పందించడం, ఏదైనా తప్పు జరిగితే దానికి బాధ్యత వహించడం వంటి అలవాట్లు పెంపొందించుకోవాలి. ఇవి పనిని సమర్థవంతంగా పూర్తిచేయడంలో సహాయపడతాయి.

2. డెసిషన్ మేకింగ్: కష్టసమయంలోనూ, ఒత్తిడిలోనూ ధైర్యంగా సరైన నిర్ణయాలు తీసుకోవాలి. ఇలాంటి సామర్థ్యం ఉన్నవారే నిజమైన నాయకులుగా ఎదుగుతారు.

3. ఎమోషనల్ ఇంటెలిజెన్స్: తెలివితేటలు సరిపోవు. భావోద్వేగాలను నియంత్రించుకోవడం, పరిస్థితులు చేయి దాటిపోకుండా చూసుకోవడం అత్యంత అవసరం. ఇది వ్యక్తిగత సంబంధాలు మరియు ఉద్యోగ విజయానికి కీలకం.

4. సెల్ఫ్ మేనేజ్‌మెంట్: ఏకాగ్రత, క్రమశిక్షణ అత్యవసరం. ఇవి లక్ష్యాల వైపు స్థిరమైన అడుగులు వేయడంలో మిమ్మల్ని ముందుకు నడిపిస్తాయి.

5. లీడర్‌షిప్: ఇతరులకు స్ఫూర్తిగా ఉండేలా ప్రవర్తించాలి. గౌరవం, స్నేహపూర్వకతతో టీమ్‌తో వ్యవహరించాలి. మంచి లీడర్ ఎప్పుడూ తన టీమ్‌ను ప్రోత్సహిస్తాడు.

6. కమ్యూనికేషన్: ప్రతి ఉద్యోగంలో ఇతరులతో సమర్థవంతంగా మాట్లాడటం, వారిని మెప్పించడం తప్పనిసరి. స్పష్టమైన సంభాషణ అపార్థాలను తగ్గించి, అనుబంధాన్ని పెంచుతుంది.

7. క్రిటికల్ థింకింగ్: సంక్లిష్ట పరిస్థితుల్లో వేగంగా మరియు సరిగ్గా నిర్ణయాలు తీసుకోవడం, సమస్యలకు సమాధానాలు కనుగొనడం మిమ్మల్ని ఉన్నతస్థాయికి తీసుకువెళ్తుంది.

8. రీసెర్చ్ & అనాలసిస్: కొత్త విషయాలను నేర్చుకోవడంపై ఆసక్తి చూపాలి. సమాచారాన్ని సేకరించి, విశ్లేషించే నైపుణ్యం కొత్త అవకాశాలను తెరుస్తుంది, విజయానికి దారితీస్తుంది.

9. టీమ్ వర్క్: ఏ పరిస్థితిలోనైనా ఇతరులతో కలసికట్టుగా పని చేయగలగడం అవసరం. ఇది పనిస్థలంలో మీ గౌరవాన్ని పెంచి, మంచి ఫలితాలను ఇస్తుంది.

10. రైటింగ్ స్కిల్స్: మీ ఆలోచనలను స్పష్టంగా, ప్రభావవంతంగా రాసి చూపించగలగడం ముఖ్యం. ఇది ఎదుటివారిని మెప్పించి, మీ ఉద్దేశాలను సమర్థవంతంగా వ్యక్తపరచడంలో సహాయపడుతుంది.

Also Read: జీవితంలో ఎదగాలనుకుంటే స్టీవ్ జాబ్స్ చెప్పిన ఈ 5 సూత్రాలు తప్పకుండా పాటించండి!