India Russia Crude Oil Import : అమెరికా అధ్యక్షుడు డొనాల్డ్ ట్రంప్ సోమవారం భారత్‌ రష్యా ముడిచమురు కొనుగోలుపై కొత్త హెచ్చరిక జారీ చేశారు. రష్యా ముడిచమురును కొనుగోలు చేయాలని భారత్‌ నిర్ణయించుకుంటే ‘భారీ సుంకాలను’ చెల్లించాల్సి ఉంటుందని ఆయన పేర్కొన్నారు. ఎయిర్‌ఫోర్స్ వన్‌లో విలేకరులతో మాట్లాడిన ట్రంప్, ప్రధానమంత్రి నరేంద్ర మోదీ తనకు హామీ ఇచ్చారని, భారత్‌ త్వరలో రష్యన్ చమురు కొనుగోలు నిలిపివేస్తుందని చెప్పారు.

India Russia Crude Oil Import 

ట్రంప్ మీడియా నివేదికల ప్రకారం, “నేను భారత ప్రధాని మోదీతో మాట్లాడాను. ఆయన రష్యన్ చమురు విషయంలో తాము వ్యవహరించబోమని చెప్పారు. అయినప్పటికీ, వారు పెద్ద సుంకాలను చెల్లించాల్సి ఉంటుంది” అని పేర్కొన్నారు.

Also Read: గోవా తీరంలో నేవీతో దీపావళి జరుపుకోనున్న ప్రధాని మోదీ!

భారత-అమెరికా వాదన మరియు సుంకాలు : రష్యా చమురు కొనుగోలు, ప్రధానమంత్రి మోదీ హామీ విషయంలో ట్రంప్ ఇచ్చిన వాదన ఇది మూడోసారి. రష్యా నుంచి చమురు కొనుగోలు చేస్తున్నందుకు అమెరికా భారత్‌పై 25 శాతం అదనపు సుంకాలను విధించింది. దీంతో ఇండియాపై మొత్తం సుంకాలు 50 శాతానికి చేరాయి. భారత్‌ ఈ సుంకాలను ‘అన్యాయం’ అని పేర్కొన్నప్పటికీ, అమెరికా తన చర్యను సమర్థించింది. ట్రంప్ వాదనను భారత్ నిర్ద్వంద్వంగా ఖండించింది.

గురువారం జరిగిన వారాంతపు విలేకరుల సమావేశంలో, MEA ప్రకటన ప్రకారం, ప్రధాని మోదీ, ట్రంప్ మధ్య ఏ విధమైన సంభాషణ జరిగిందో భారత ప్రభుత్వానికి తెలియదని తెలిపింది.

భారత ప్రభుత్వం దృష్టి - వినియోగదారుల ప్రయోజనం : భారత్‌ రష్యా చమురు కొనుగోలు విషయంలో, వినియోగదారుల ప్రయోజనాలను కాపాడటమే ప్రధాన ప్రాధాన్యత అని ప్రభుత్వం పునరుద్హరించింది. స్థిరమైన ఇంధన ధరలు, సురక్షితమైన సరఫరాను నిర్ధారించడం భారత ఇంధన విధానం ప్రధాన లక్ష్యాలు అని MEA ప్రతినిధి రణధీర్ జైస్వాల్ తెలిపారు.

ఉక్రెయిన్ యుద్ధం ప్రారంభమైనప్పటి నుండి, రష్యా భారతదేశానికి అతిపెద్ద చమురు సరఫరాదారుగా మారింది. కెప్లర్ డేటా ప్రకారం, భారత్‌ మొత్తం ముడిచమురు దిగుమతుల్లో రష్యాకు 34 శాతం వాటా ఉంది. ఈ పరిణామం పశ్చిమ దేశాలపై తీరని ప్రభావం చూపింది.

Also Read: పాక్ ఆర్మీ చీఫ్‌కు ఆఫ్ఘన్ మాజీ ఎంపీ గట్టి హెచ్చరిక!

మరిన్ని Latest Updates కోసం ఇప్పుడే మా ఛానల్ ను సబ్స్క్రైబ్ చేసుకోండి V NEWS