PM Modi Diwali celebrations 2025: దేశమంతా దీపావళి వేడుకలు అంబరాన్నంటాయి. ఈ సందర్భంగా ప్రధాని నరేంద్ర మోదీ దేశ ప్రజలకు దీపావళి శుభాకాంక్షలు తెలియజేశారు. ఈ దీపావళి సందర్భంగా ఆయన స్వదేశీ నినాదాన్ని ప్రాధాన్యం ఇచ్చారు. ఈసారి ప్రధాని మోదీ గోవా తీరంలో నేవీ సిబ్బందితో కలిసి దీపావళిని జరుపుకోనున్నారు. ఇటీవల పహల్గామ్ ఉగ్రదాడికి ప్రతిస్పందనగా భారత్ విజయవంతంగా పూర్తి చేసిన ‘ఆపరేషన్ సింధూర్’ విజయాన్ని కూడా INS విక్రాంత్‌ యుద్ధనౌకలో ‘మెన్ ఇన్ వైట్’తో కలిసి ప్రధానమంత్రి జరుపుకోనున్నారు. 2014లో ప్రధాని పదవిని చేపట్టినప్పటి నుంచి మోదీ ప్రతి దీపావళిని సాయుధ దళాల సిబ్బందితో జరుపుకోవడం ఒక సంప్రదాయంగా మారింది.
 |
| PM Modi Diwali celebrations 2025 |
ప్రతి దీపావళి ప్రత్యేకత: 2014లో ప్రధాని మోదీ లడఖ్‌లోని సియాచిన్ హిమానీనదంలో భద్రతా దళాలతో దీపావళిని జరుపుకున్నారు. ఆ తర్వాత ఏడాది 1965 ఇండో-పాక్ యుద్ధ వీరులను సత్కరించేందుకు పంజాబ్‌లోని అమృత్‌సర్‌లో డోగ్రాయ్ యుద్ధ స్మారక చిహ్నాన్ని సందర్శించారు. 2016లో హిమాచల్ ప్రదేశ్‌లోని సుమ్డో వద్ద భారత్-చైనా సరిహద్దు సమీపంలో బీఎస్ఎఫ్ సిబ్బందితో దీపాల పండుగను జరుపుకున్నారు. 2017లో జమ్మూ కాశ్మీర్‌లోని గురేజ్ సెక్టార్‌లో బలగాలను కలిశారు.
Also Read: ఈ ఏడాది దీపావళి పండుగ విశిష్టత ఏంటి?
1971 యుద్ధ స్థలంలో జ్ఞాపకాలు: 2018లో మోదీ ఉత్తరాఖండ్‌లోని హర్సిల్ ప్రాంతంలో ఇండో–టిబెటన్ బోర్డర్ పోలీస్ సిబ్బందితో దీపావళిని జరుపుకున్నారు. ఆ తర్వాతి ఏడాది జమ్మూ కాశ్మీర్‌లోని రాజౌరిలో సైనికులను కలిశారు. 2020లో కోవిడ్–19 మహమ్మారి నడుమ, రాజస్థాన్‌లోని జైసల్మేర్‌లో లాంగేవాలా వద్ద దీపావళి వేడుకల్లో పాల్గొన్నారు. ఇది 1971లో భారత్ విజయం సాధించిన చారిత్రక యుద్ధభూమి.
కార్గిల్ నుండి గుజరాత్ వరకు: 2021లో ప్రధాని జమ్మూ కాశ్మీర్‌లోని నౌషెరాలో సైనికులతో దీపావళిని జరుపుకున్నారు. 2022లో కార్గిల్‌లో సైనిక దళాలతో కలిసి పండుగ చేసుకున్నారు. గత రెండు సంవత్సరాల్లో హిమాచల్ ప్రదేశ్‌లోని లెప్చా, గుజరాత్‌లోని సర్ క్రీక్ ప్రాంతాల్లో భద్రతా దళాలను కలిశారు.
గోవా తీరంలో నేవీతో దీపావళి: ఈ ఏడాది ప్రధాని మోదీ గోవా తీరంలో నేవీ సిబ్బందితో కలిసి దీపావళి జరుపుకోవాలని నిర్ణయించడం, దేశ రక్షణలో నిరంతరం కృషి చేస్తున్న సైన్యానికి ఆయన మద్దతును తెలియజేస్తుంది. ప్రతి దళం, ప్రతి జవాన్‌తో కలిసి పండుగ జరుపుకోవడం ద్వారా దేశ భద్రత పట్ల మోదీ కట్టుబాటును మరోసారి స్పష్టంగా చూపించారు.
కార్గిల్ నుండి గుజరాత్ వరకు: 2021లో ప్రధాని జమ్మూ కాశ్మీర్‌లోని నౌషెరాలో సైనికులతో దీపావళిని జరుపుకున్నారు. 2022లో కార్గిల్‌లో సైనిక దళాలతో కలిసి పండుగ చేసుకున్నారు. గత రెండు సంవత్సరాల్లో హిమాచల్ ప్రదేశ్‌లోని లెప్చా, గుజరాత్‌లోని సర్ క్రీక్ ప్రాంతాల్లో భద్రతా దళాలను కలిశారు.
గోవా తీరంలో నేవీతో దీపావళి: ఈ ఏడాది ప్రధాని మోదీ గోవా తీరంలో నేవీ సిబ్బందితో కలిసి దీపావళి జరుపుకోవాలని నిర్ణయించడం, దేశ రక్షణలో నిరంతరం కృషి చేస్తున్న సైన్యానికి ఆయన మద్దతును తెలియజేస్తుంది. ప్రతి దళం, ప్రతి జవాన్‌తో కలిసి పండుగ జరుపుకోవడం ద్వారా దేశ భద్రత పట్ల మోదీ కట్టుబాటును మరోసారి స్పష్టంగా చూపించారు.