Electric Scooter vs Petrol Scooter: నేటి కాలంలో ఎలక్ట్రిక్ స్కూటర్లు మంచి ప్రాచుర్యం పొందుతున్నాయి. దశాబ్దాలుగా మన నగరాల వీధుల్లో పెట్రోల్ స్కూటర్లు ఆధిపత్యం చూపుతున్నాయి. కానీ ఇప్పుడు మార్కెట్లో ఒకటి కంటే ఎక్కువ ఎలక్ట్రిక్ స్కూటర్లు అందుబాటులోకి వస్తున్నాయి. అందువల్ల చాలామంది పెట్రోల్ స్కూటర్ కొనాలా లేదా ఎలక్ట్రిక్ స్కూటర్ కొనాలా అని అయోమయంలో ఉన్నారు. ధర, నిర్వహణ వంటి అంశాలను బట్టి ఏది సరైనది అనేది చూద్దాం.

Electric Scooter vs Petrol Scooter

ఎలక్ట్రిక్ స్కూటర్ల విక్రయాలు పెరుగుతున్నప్పటికీ, వాటి కొనుగోలులో వినియోగదారులు తరచూ గందరగోళానికి గురవుతున్నారు. ప్రతి ఒక్కరూ తక్కువ ఖర్చుతో కూడిన ఎంపిక కోసం చూస్తారు. అలాంటి సమయంలో స్కూటర్ మైలేజ్, రేంజ్, నడుస్తున్న ఖర్చు, ధర వంటి అంశాలు వినియోగదారుల నిర్ణయంపై ప్రభావం చూపుతాయి. అదనంగా, సర్వీస్, మెయింటెనెన్స్ కూడా కీలకం అవుతాయి.

ఎలక్ట్రిక్ స్కూటర్ - పెట్రోల్ స్కూటర్ ధర

రోజుకు 30 కి.మీ స్కూటర్ నడిపితే, నెలకు మొత్తం 900 కి.మీ (30 కి.మీ × 30 రోజులు) ప్రయాణం అవుతుంది అని అనుకుందాం. 1 యూనిట్ విద్యుత్ ధర రూ.10, 1 లీటరు పెట్రోల్ ధర రూ.100గా తీసుకుంటే, ఖర్చును లెక్కించడం సులభం అవుతుంది.

Also Read: మోదీ, అంబానీ కార్ల కలెక్షన్.. ఎవరిది ఖరీదైనది?

ఎలక్ట్రిక్ స్కూటర్ నిర్వహణ ఖర్చు

ఒక్కోసారి ఛార్జింగ్ కోసం 5 యూనిట్లు తీసుకుంటే, దానికి రూ.50 ఖర్చవుతుంది. ఒకసారి ఛార్జ్ చేస్తే 100 కి.మీ వరకు నడుస్తుందని అనుకుందాం. అప్పుడు కి.మీకి ఖర్చు 0.50 పైసలు మాత్రమే అవుతుంది.

ఒక నెలకు (900 కి.మీ × 0.50) రూ.450 ఖర్చవుతుంది. సంవత్సరం మొత్తానికి రూ.5,400 అవుతుంది. వార్షిక మెయింటెనెన్స్ రూ.2,000 కలిపితే, ఏడాదికి మొత్తం ఖర్చు రూ.7,400 అవుతుంది.

పెట్రోల్ స్కూటర్ రన్నింగ్ ఖర్చు

పెట్రోల్ స్కూటర్ లీటరుకు 50 కి.మీ మైలేజ్ ఇస్తుందనుకుంటే, రూ.100 విలువైన పెట్రోల్ 50 కి.మీ నడుస్తుంది. అంటే కి.మీకి రూ.2 ఖర్చవుతుంది.

ఒక నెలలో 900 కి.మీ నడిస్తే రూ.1,800 ఖర్చు అవుతుంది. ఏడాదికి (రూ.1,800 × 12 నెలలు) రూ.21,600 అవుతుంది. అదనంగా మెయింటెనెన్స్ రూ.2,000 కలిపితే, ఏడాదికి మొత్తం రూ.23,600 అవుతుంది.

5 సంవత్సరాల తర్వాత లెక్క

• పెట్రోల్ స్కూటర్ సగటు ధర రూ.75,000 అనుకుందాం. 5 ఏళ్లలో మొత్తం ఖర్చు రూ.1,93,000 అవుతుంది.
• ఎలక్ట్రిక్ స్కూటర్ సగటు ధర రూ.1,20,000 అయితే, 5 ఏళ్లలో మొత్తం ఖర్చు రూ.1,57,000 అవుతుంది.

అంటే 5 సంవత్సరాల తర్వాత ఎలక్ట్రిక్ స్కూటర్ వాడితే దాదాపు రూ.36,000 పొదుపు అవుతుంది. అయితే బ్యాటరీకి 3 నుండి 5 సంవత్సరాల వారంటీ మాత్రమే ఉంటుంది. కొత్త బ్యాటరీ మార్చడానికి రూ.40-50 వేల వరకు ఖర్చు అవుతుంది.

Also Read: సెకండ్ హ్యాండ్ కారు కొనే ముందు తెలుసుకోవాల్సిన కీలక విషయాలు!

మరిన్ని Latest Updates కోసం ఇప్పుడే మా ఛానల్ ను సబ్స్క్రైబ్ చేసుకోండి V NEWS