Coolie Movie Review: రజనీకాంత్ హీరోగా, లోకేష్ కనకరాజ్ దర్శకత్వంలో రూపొందిన "కూలీ" చిత్రం భారీ అంచనాల నడుమ ప్రేక్షకుల ముందుకు వచ్చింది. ఈసారి లోకేష్ తన సినిమాటిక్ యూనివర్స్‌కు సంబంధం లేకుండా, స్టాండ్ అలోన్ కథతో ముందుకు వచ్చాడు. తెలుగు నుంచి నాగార్జున నెగటివ్ రోల్‌లో, అలాగే ఉపేంద్ర, సౌబిన్ షాహిర్, శృతి హాసన్, సత్యరాజ్ వంటి పలువురు నటులు కీలక పాత్రల్లో కనిపించారు.

Coolie Movie Review

కథ: సైమన్ (నాగార్జున) విశాఖపట్నం పోర్టును 99 ఏళ్లకు లీజుకు తీసుకుని, కింగ్ పిన్ లాజిస్టిక్స్ పేరుతో బంగారం, లగ్జరీ వాచ్ల స్మగ్లింగ్ చేస్తూ ఉంటాడు. అతని సహచరుడు దయాల్ (సౌబిన్ షాహిర్) క్రూరంగా వ్యవహరిస్తూ పరిసరాలను భయబ్రాంతులకు గురి చేస్తాడు. ఈ క్రమంలో సైమన్ కోసం పనిచేసే రాజశేఖర్ (సత్యరాజ్) అనుమానాస్పద పరిస్థితుల్లో మరణిస్తాడు. అతని మరణం సహజం కాదని గ్రహించిన దేవా (రజనీకాంత్) నిజం వెలికితీయడానికి రంగంలోకి దిగుతాడు. ఈ ప్రయాణంలో అతడు ఎవరిని ఎదుర్కొన్నాడు? ఎందుకు రాజశేఖర్‌ను చంపారు? దేవా గతం ఏమిటి? అనేది పెద్ద తెరపై ఆస్వాదించాల్సిందే.

విశ్లేషణ: టైటిల్ రోల్, పాన్-ఇండియా కాస్టింగ్, టీజర్-ట్రైలర్ కట్స్‌తో సినిమా మీద అంచనాలు అమాంతం పెరిగాయి. అయితే సినిమా చూసినప్పుడు లోకేష్ ప్రేక్షకుల అంచనాలకన్నా కథ చెప్పడంపైనే దృష్టి పెట్టినట్లు స్పష్టమవుతుంది.

ఫస్ట్ హాఫ్ చాలా ఫ్లాట్‌గా సాగి, అసలు కథ ఎక్కడికి దారితీస్తుందో స్పష్టత రాదు. ప్రీ-ఇంటర్వెల్ బ్లాక్ మాత్రం బలంగా వర్కౌట్ అవుతుంది. సెకండ్ హాఫ్‌లో కథ క్రమంగా క్లారిటీకి వస్తుంది. క్లైమాక్స్ అరగంటలో పేస్ పికప్ అవుతుంది, ముఖ్యంగా అమీర్ ఖాన్, ఉపేంద్ర ఎంట్రీ సీన్స్ మంచి ఎలివేషన్‌తో తీర్చిదిద్దబడ్డాయి. మొత్తానికి ఇది ఓ రివెంజ్ డ్రామా - స్నేహితుడి హత్యకు పగ తీర్చుకునే కథ.

Also Read: వార్ 2 మూవీ రివ్యూ.. హృతిక్ రోషన్, ఎన్టీఆర్ యాక్షన్ బ్లాస్ట్!

Rajinikanth's Coolie Movie Review

నటీనటుల ప్రదర్శన

• రజనీకాంత్: వయసుకు తగ్గ పాత్రలో కూడా తన స్టైల్, ఎనర్జీతో మెప్పించాడు.
• నాగార్జున: సైమన్‌గా పరకాయ ప్రవేశం చేసినట్టుగా ఫీల్ అయ్యేంత స్థాయిలో నెగటివ్ రోల్‌లో ఆకట్టుకున్నాడు.
• సౌబిన్ షాహిర్: తనదైన విలనిజంతో ప్రభావం చూపించాడు.
• ఉపేంద్ర: తక్కువ సీన్ టైమ్‌లోనూ ఇంపాక్ట్ సృష్టించాడు.
• అమీర్ ఖాన్: చివరలో కాసేపే కనిపించినా, బలమైన ఇంప్రెషన్ వదిలాడు.
• శృతి హాసన్, రచితా రామ్, సత్యరాజ్: తమ పాత్రలలో న్యాయం చేశారు.

టెక్నికల్ అంశాలు

• సంగీతం & BGM: అనిరుద్ ఈ సినిమాకి అసలు హీరో. పాటలు, బ్యాక్‌గ్రౌండ్ స్కోర్‌తో సినిమాకి లైఫ్ ఇచ్చాడు.
• సినిమాటోగ్రఫీ: విజువల్స్ ఆకర్షణీయంగా ఉన్నా, VFX‌లో కొన్ని లోపాలు కనబడతాయి.
• ఎడిటింగ్: నిడివి కొద్దిగా తగ్గిస్తే పేస్ మెరుగుపడేది.
• కాస్టింగ్: ప్రతి పాత్రకు సరైన నటులను ఎంపిక చేశారు.

కూలీ రజనీ మార్క్ రివెంజ్ డ్రామా. అధిక అంచనాలు లేకుండా థియేటర్‌కి వెళ్తే బాగానే ఎంజాయ్ చేయవచ్చు.

Also Read: సచిన్ కుమారుడు అర్జున్ టెండూల్కర్ పెళ్లి పీటలెక్కబోతున్నాడా?

మరిన్ని Latest Updates కోసం ఇప్పుడే మా ఛానల్ ను సబ్స్క్రైబ్ చేసుకోండి V NEWS