Jr NTR meeting Jagan: ఆంధ్రప్రదేశ్ రాజకీయ పరిస్థితులు క్షణాల్లో మారుతున్నాయి. ప్రతీ రోజు చోటుచేసుకుంటున్న పరిణామాలను గమనిస్తుంటే - “అసలు ఏమి జరుగుతోంది?” అనే ప్రశ్న కలుగుతుంది. తాజాగా, అనంతపురం టీడీపీ ఎమ్మెల్యే జూనియర్ ఎన్టీఆర్ నటించిన ‘వార్ 2’ మూవీ బెనిఫిట్ షోలు ఆపేయాలని చెప్పిన ఫోన్ కాల్ సంభాషణ సోషల్ మీడియాలో లీకై, రాష్ట్ర వ్యాప్తంగా ప్రకంపనలు రేపింది.

Jr NTR meeting Jagan

ఈ ఆడియో రికార్డింగ్‌పై ఎన్టీఆర్ అభిమానులు తీవ్ర ఆగ్రహం వ్యక్తం చేశారు. ఎమ్మెల్యే మాత్రం – “ఇది ఫేక్, AI ఆడియోతో తయారు చేసిన వీడియో, నేను ఒక్క మాట కూడా అనలేదు. ఎన్టీఆర్ అంటే నాకు ఎంతో అభిమానం” అంటూ సమాధానమిచ్చారు. అయితే, ఫోరెన్సిక్ ల్యాబ్ రిపోర్ట్స్‌లో ఇది నిజంగానే ఎమ్మెల్యే మాట్లాడినదని తేలడంతో వివాదం మరింత వేడెక్కింది.

ఎందుకు ఎన్టీఆర్‌ను రాజకీయాల్లోకి లాగుతున్నారు?

రాజకీయాలకు దూరంగా, తన సినీ కెరీర్‌పై దృష్టి పెట్టిన జూనియర్ ఎన్టీఆర్‌ను అనవసరంగా రాజకీయాల్లోకి లాగుతూ, విమర్శలు చేయడం పట్ల అభిమానులు ఆవేదన వ్యక్తం చేస్తున్నారు. “ఇలాగే కొనసాగితే ఎన్టీఆర్ కూడా ఒకరోజు తిక్కరేగి రాజకీయాల్లోకి దిగిపోతాడు. ఆయన తాత పెట్టిన పార్టీ (టీడీపీ) న్యాయపరంగా ఆయనకే చెందుతుంది. లేదా ప్రత్యేకంగా పార్టీ స్థాపించి పోటీ చేయొచ్చు. మరోవైపు జగన్‌తో చేతులు కలిపినా టీడీపీ అంతరించిపోతుంది” అంటూ అభిమానులు సోషల్ మీడియాలో కామెంట్లు చేస్తున్నారు.

ఇక, “త్వరలోనే జూనియర్ ఎన్టీఆర్ మాజీ సీఎం జగన్‌ను కలవబోతున్నారు” అనే వార్తలు కూడా సోషల్ మీడియాలో ప్రచారం అవుతున్నాయి. ఇది నిజమా కాదా అనేది స్పష్టత రాలేదు కానీ, జగన్ అభిమానులు మాత్రం ఎన్టీఆర్‌కు బహిరంగ మద్దతు తెలుపుతున్నారు.

సోషల్ మీడియాలో హడావిడి

ఎన్టీఆర్ - జగన్‌లను కలుపుతూ ఒక వైసీపీ అభిమాని చేసిన వీడియో ఎడిట్ ప్రస్తుతం సోషల్ మీడియాలో వైరల్ అవుతోంది. అయితే, ప్రాక్టికల్‌గా ఈ కాంబినేషన్ వర్కౌట్ కావడం అసాధ్యమని విశ్లేషకులు అభిప్రాయపడుతున్నారు.

ఎందుకంటే:

• ఎన్టీఆర్ ఒకవేళ వైసీపీకి మద్దతు ఇస్తే, ఇన్నేళ్లుగా ఆయన సినిమాలను ఆదరించిన అభిమానుల్లో చాలామంది వెనక్కి తగ్గే అవకాశం ఉంది.
• అలాంటి పరిస్థితిలో కెరీర్ సర్వనాశనం అవుతుంది.
• రాజకీయాల్లోకి రావడం అంటే - ఆయన టీడీపీ పగ్గాలు చేపట్టడం లేదా సొంత పార్టీ పెట్టి ఎన్నికల్లో పోటీ చేయడం మాత్రమే మార్గాలు.

అందువల్ల, సోషల్ మీడియాలో ప్రచారం అవుతున్నట్టు “జూనియర్ ఎన్టీఆర్, మాజీ సీఎం జగన్‌ను కలవబోతున్నారు” అనే వార్తల్లో వాస్తవం లేదని భావించాలి.

Also Read: చంద్రబాబు అమలు చేసినవేమిటి? జగన్ మిస్ అయినవేమిటి?

మరిన్ని Latest Updates కోసం ఇప్పుడే మా ఛానల్ ను సబ్స్క్రైబ్ చేసుకోండి V NEWS

🔥 pic.twitter.com/AscB0JPeXS

— Ys Reddy Cm 🔥 (@kiranreddy4512) August 18, 2025