Kalvakuntla Kavitha: ఇటీవల ఓ ఇంటర్వ్యూలో కల్వకుంట్ల కవిత తనపై వచ్చిన లిక్కర్ స్కాం ఆరోపణలు, తిహార్ జైలులో గడిపిన అనుభవాలు, పార్టీ నుండి తాను ఎదుర్కొన్న సమస్యల గురించి భావోద్వేగంగా వెల్లడించారు. ఆమె చెప్పిన ప్రకారం, అరెస్ట్ అయిన తర్వాత BRS పార్టీ నుండి ఎలాంటి మద్దతు లభించలేదు. తాను ఎదుర్కొన్న తీవ్రమైన పరిస్థితుల్లో కేవలం తన కుటుంబం మాత్రమే అండగా నిలిచిందని ఆమె స్పష్టంగా పేర్కొన్నారు. తన తండ్రి KCR, తల్లి, భర్త అనిల్, అన్న KTR మాత్రమే మానసికంగా ధైర్యాన్ని ఇచ్చారని చెప్పారు. పార్టీకి చెందిన ఇతర నాయకులెవ్వరూ స్పందించకపోవడం ఆమెను మానసికంగా బాధించిందని అన్నారు.
తిహార్ జైలు అనుభవం ఆమెకు చాలా కష్టంగా మారిందని.. ప్రత్యేకంగా, తన చిన్న కొడుకు పరీక్షల సమయంలో తాను లేకపోవడం వల్ల వచ్చిన బాధను ఆమె వివరించారు. తన కొడుకు వయసు చిన్నదైనా, ఆ పరిస్థితిని ధైర్యంగా ఎదుర్కొన్నాడని గుర్తుచేసుకున్నారు. అంతేకాక, తన పెంపుడు కుక్క గురించి కూడా మాట్లాడారు. దానికి కళ్ళు కనపడవని, తాను లేనప్పుడు ఆ కుక్క చాలా బాధపడిందని చెప్పారు. ఈ అన్నింటి మధ్య కుటుంబానికి దూరంగా ఉండటం ఆమెకు తీవ్ర భావోద్వేగపు అనుభవంగా మిగిలిందని అన్నారు.
Also Read: జూబ్లీహిల్స్ ఉపఎన్నిక బరిలో నిలిచేదేవరు?
పార్టీ ఎందుకు మద్దతు ఇవ్వలేదు?
ఇది చూసిన రాజకీయ విశ్లేషకుల అభిప్రాయం ప్రకారం, దీనికి కొన్ని కారణాలు ఉండొచ్చు. BRS అప్పటికే అధికారం కోల్పోయిన సమయంలో, కేంద్రంలో ఉన్న బీజేపీ దాడులకు వ్యూహాత్మకంగా స్పందించే ప్రయత్నంలో, పార్టీ పూర్తిగా ఈ కేసుకు దూరంగా ఉండాలని ఎంచుకుని ఉండవచ్చు. పైగా లిక్కర్ స్కాం ఒక ప్రతిష్టాత్మక, పబ్లిక్‌ స్కాంగా మారిపోవడంతో, పార్టీ రిప్యుటేషన్‌ దెబ్బ తినకుండా ఉండటానికే మౌనం వహించిందని అనుకోవచ్చు. అంతేకాదు, ఇది BRS లోపలే ఉన్న కొన్ని అంతర్గత విభేదాలు, లేదా మద్దతు లేని వ్యక్తిగత రాజకీయ ప్రాధాన్యతల ప్రతిబింబంగా కూడా చూడవచ్చు.
ఈ వ్యాఖ్యలు చూస్తే, రాజకీయ నాయకురాలిగా కాకుండా, ఒక తల్లిగా, భార్యగా, కూతురిగా ఆమె ఎదుర్కొన్న వేదన ఎంత బాధాకరంగా ఉందో స్పష్టమవుతుంది. పార్టీ నుండి మద్దతు రాకపోవడం ఆమెకు గాయంగా మిగిలిందని ఆమె మాటల్లోనే స్పష్టమవుతోంది. ఈ అంశం ప్రస్తుతం BRS లో నాయకత్వం, మహిళల స్థానం, పార్టీ పరంగా ఉన్న భేదాభిప్రాయాలపై పెద్ద చర్చకు దారి తీస్తోంది.
Also Read: తెలంగాణ బీజేపీ లో బీసీలకు న్యాయం జరుగుతుందా?
మరిన్ని Latest Updates కోసం ఇప్పుడే మా ఛానల్ ను సబ్స్క్రైబ్ చేసుకోండి V NEWS