Gold Buying Tips: ప్రస్తుతం బంగారం ధరలు ఆకాశాన్ని తాకుతున్నాయి. సామాన్యులకు ఒక తులం బంగారం కూడా కొనాలంటే చుక్కలు కనిపిస్తున్నాయి. ఇటువంటి పరిస్థితుల్లో మన డబ్బు వృథా కాకుండా, సరిగ్గా వినియోగించాలంటే కొంత జాగ్రత్తగా ఉండాలి. పసిడి అంటే డబ్బు మాత్రమే కాదు... మన భావోద్వేగాలు కూడా. అందుకే కొనుగోలులో తొందరపడకూడదు.
మొదటగా, BIS హాల్‌మార్క్‌ను చెక్ చేయడం తప్పనిసరి
ఇది బంగారం స్వచ్ఛతకు హామీగా నిలుస్తుంది. 22 క్యారెట్ బంగారానికి “916” అని హాల్‌మార్క్ ఉంటుంది. ఈ హాల్‌మార్క్ లేకుండా ఆభరణం కొనడం అంటే, నాణ్యత మీద నమ్మకాన్ని కోల్పోవడమే. అలాగే, బంగారం 22 క్యారెట్టు కావాలా, 18 క్యారెట్టు సరిపోతుందా అనే అంశాన్ని మీ అవసరాలను బట్టి నిర్ణయించుకోండి.
తయారీ ఖర్చు - ఇది మిగతా ఖర్చులను మించి ఉంటుంది
చాలామంది జ్యువెలర్లు తక్కువ స్వచ్ఛత ఉన్న బంగారాన్ని ఎక్కువగా క్లెయిమ్ చేసి, తయారీ ఛార్జీలు ఎక్కువగా వసూలు చేస్తారు. అందుకే, ఆభరణం ధర కంటే తయారీ ఖర్చు ఎంతగా వసూలు చేస్తున్నారు అనే విషయాన్ని క్లియర్‌గా అడగాలి. అలాగే, ధరపై డిజైన్ విలువ ఎంత ఉందో కూడా తెలుసుకోండి.
బిల్లు తీసుకోవడం - చిన్న విషయం కాదు, చక్కటి భవిష్యత్‌కు మూలం
మీరు కొనుగోలు చేసిన ప్రతీ ఆభరణానికి బిల్లు తప్పనిసరిగా తీసుకోండి. రీప్లేస్‌మెంట్, ఎక్స్చేంజ్, రీపేర్ వంటి వాటికి ఇది అత్యవసరం. బిల్లు లేనప్పుడు మీరు చెల్లించిన డబ్బుకు సాక్ష్యం ఉండదు. ఒకవేళ నకిలీ పసిడి అమ్మారన్న ఆరోపణ వస్తే, బిల్లు మీకు రక్షణ అవుతుంది.
కొనుగోలు ముందు కంపారిజన్
ఒకే దుకాణంలో వెళ్లి కొనేస్తే, ఆఫర్లు, ధరల తేడా గురించి తెలియదు. కనీసం 2 నుంచి 3 షాపుల్లో ప్రైస్, డిజైన్, క్యారెట్ పరిశీలించండి. అప్పుడు మీరు నిజంగా మంచి ధరకు, నచ్చిన డిజైన్‌కు పసిడి కొనుగోలు చేసిన భావన కలుగుతుంది.
Also Read: అష్టదిక్పాలకులు అంటే ఎవరు?