Power Petrol vs Normal Petrol: BS6 తర్వాత పెట్రోల్ నాణ్యత - భారతదేశంలో BS6 ప్రమాణాలు అమలు చేసిన తర్వాత పెట్రోల్ నాణ్యత కొంత మెరుగుపడింది. అయితే, పెట్రోల్ బంకుల్లో దొరికే పవర్ పెట్రోల్ (ప్రీమియం పెట్రోల్) మరింత నాణ్యమైనదిగా భావిస్తారు. ఇందులో ఇథనాల్ స్థాయి తక్కువగా ఉండి, ఆక్టేన్ లెవల్స్ ఎక్కువగా ఉంటాయి. దీని వలన ఇది ఇంజిన్‌లో మరింత సమర్థవంతంగా బర్న్ అవుతుంది. అందుకే దీన్ని సాధారణ వాహనాలకన్నా లగ్జరీ కార్లు, హై-ఎండ్ బైక్స్ కోసం ప్రత్యేకంగా రూపొందిస్తారు. దీని కారణంగా దీని ధర కూడా సాధారణ పెట్రోల్ కంటే ఎక్కువగా ఉంటుంది.
 |
| Power Petrol vs Normal Petrol |
పవర్ పెట్రోల్ వాడకంతో వచ్చే మార్పులు - పవర్ పెట్రోల్ వాడటం వలన ఇంజిన్ మరింత క్లీన్‌గా ఉండటం నిజమే. అయితే, సాధారణ బైకులు లేదా కార్లు వాడేవారికి దీని వల్ల పెద్దగా ప్రయోజనం ఉండదు. ఎందుకంటే, ప్రీమియం పెట్రోల్‌లో ఎక్స్‌ట్రా క్లీనింగ్ ఏజెంట్స్ ఉంటాయి. వీటి వల్ల ఇంజిన్ కొద్దిగా సాఫ్ట్‌గా నడుస్తుంది. కానీ, ఒకసారి సాధారణ పెట్రోల్, మరోసారి పవర్ పెట్రోల్ వాడితే పెద్దగా లాభం ఉండదు. హై సీసీ ఇంజిన్లు, ప్రీమియం కార్లు వాడేవారికి మాత్రం ఇది కొంతమేరకు మేలు చేసే అవకాశం ఉంది.
మీ వాహనానికి సరైన పెట్రోల్ ఏది? మీ వాహనం 2020 తర్వాత తయారైన మోడల్ అయితే సాధారణ పెట్రోల్ వాడినా ఎలాంటి సమస్య ఉండదు. కానీ, ఒకవేళ మీ దగ్గర స్పోర్ట్స్ కారు, వింటేజ్ మోడల్ కారు లేదా హై-ఎండ్ బైక్ ఉంటే పవర్ పెట్రోల్ వాడటం వల్ల వాహనానికి మంచి ఫలితాలు వస్తాయి. ఇది ఇంజిన్‌కు తుప్పు రాకుండా కాపాడడమే కాకుండా, పెర్ఫార్మెన్స్‌ను కూడా మెరుగుపరుస్తుంది. కాబట్టి సాధారణ వాహనాలకు రెగ్యులర్ పెట్రోల్ సరిపోతుంది, కానీ ప్రీమియం వెహికల్స్‌కు పవర్ పెట్రోల్ వాడటం మంచిది.